Shoqata punon për të rritur kapacitetet e ndërmarrjeve të ujit përmes trajnimeve, shkëmbimit të njohurive dhe avokimit. Misioni i saj është të përmirësojë qëndrueshmërinë dhe zhvillimin e kapaciteteve në shërbimet e ujësjellës-kanalizimeve në Kosovë, duke promovuar transparencën, llogaridhënien dhe bashkëpunimin rajonal.
SHUKOS përfiton edhe nga energjia dhe inovacioni i Grupit të Profesionistë të Rinj të Ujit (PRU), një rrjet shumë aktiv dhe me ndikim që ka dhënë një kontribut të dukshëm në sektor përmes rritjes së vetëdijes publike, zhvillimit profesional dhe bashkëpunimit mes brezave.
SHUKOS është anëtar i Shoqatës Ndërkombëtare të Shoqërive Ujësjellës-Kanalizime në Pellgun e Lumit Danub (IAWD) që prej vitit 2012. Në vitin 2013, SHUKOS filloi të intensifikojë punën për zhvillimin e kapaciteteve përmes Partneritetit të Danubit për Rritjen e Kapaciteteve përmes të Mësuarit (D-LeaP), i cili i ka mundësuar shoqatës të hartojë dhe të ofrojë programe të strukturuara trajnimi për ndërmarrjet e ujit dhe profesionistët në gjithë Kosovën.
SHUKOS ka kënaqësinë të mbështesë fushatën “Çdo pikë uji vlen”, e cila përputhet plotësisht me misionin tonë për të promovuar menaxhimin e qëndrueshëm të ujit, krenarinë profesionale dhe bashkëpunimin rajonal. Ne besojmë se nisma si "Çdo pikë uji vlen" luajnë një rol thelbësor në rritjen e vetëdijes për rëndësinë e shërbimeve të ujësjellës-kanalizimeve dhe në nxitjen e bashkëpunimit në gjithë rajonin.
