Shoqata Ujësjellës Kanalizime e Shqipërisë (SHUKALB), e cila u themelua në vitin 2000, është një shoqatë profesionale, jofitimprurëse, e përbërë nga profesionistë të sektorit të ujësjellës-kanalizimeve, të cilët synojnë të përmirësojnë menaxhimin e këtij sektori në Shqipëri, duke e bërë atë efiçent, të qëndrueshëm dhe efikas, në përputhje me ligjet dhe rregulloret aktuale në Shqipëri, ndërkohë që mbështesin mbrojtjen e mjedisit.
Shoqata Ujësjellës Kanalizime e Shqipërisë (SHUKALB), e cila u themelua në vitin 2000, është një shoqatë profesionale, jofitimprurëse, e përbërë nga profesionistë të sektorit të ujësjellës-kanalizimeve, të cilët synojnë të përmirësojnë menaxhimin e këtij sektori në Shqipëri, duke e bërë atë efiçent, të qëndrueshëm dhe efikas, në përputhje me ligjet dhe rregulloret aktuale në Shqipëri, ndërkohë që mbështesin mbrojtjen e mjedisit.
Të kontribuojë në zhvillimin dhe forcimin e sektorit të ujit dhe mbrojtjes së mjedisit në Shqipëri përmes avokimit, ndërtimit të kapaciteteve, rritjes së ndërgjegjësimit dhe inovacionit, duke u mundësuar shoqërive të ujësjellës-kanalizimeve përmirësimin e cilësisë së shërbimeve, rritjen e efikasitetit dhe promovimin e praktikave të qëndrueshme mjedisore.
Lider në rritjen e cilësisë dhe qëndrueshmërisë së shërbimeve në sektorin e ujit dhe mbrojtjes së mjedisit në Shqipëri.
Puna e SHUKALB-it është e strukturuar rreth disa shtyllave strategjike që mbështesin zhvillimin e sektorit të ujësjellës-kanalizimeve në Shqipëri. Përpjekjet e saj për Trajnimin dhe Zhvillimin e Kapaciteteve përfshijnë kurse teknike, programe të strukturuara për zhvillimin e kapaciteteve, shkëmbime ndërmjet kolegëve, seminare dhe vizita studimore—të projektuara me qëllim përmirësimin e performancës së shoqërive dhe ekspertizës profesionale në të gjithë sektorin. Përmes nismave të saj për Edukimin dhe Ndërgjegjësimin e Publikut, SHUKALB-i zbaton një gamë të gjerë programesh edukuese me në qendër të gjitha grupmoshat dhe organizon aktivitete të rëndësishme ndërgjegjësuese për publikun, me qëllim rritjen e angazhimit të komunitetit në çështjet që lidhen me ujin dhe mjedisin.
Në aspektin e Avokacisë, SHUKALB-i mbështet projekte teknike dhe dialogun politik, duke nxitur në të njëjtën kohë bashkëpunimin dhe partneritetet rajonale për të shumëfishuar ndikimin e saj. Shoqata shërben edhe si organizatore kryesore e aktiviteteve në rajon, ku përfshihen evente të rëndësishme si Konferenca dhe Ekspozita e Përbashkët Ballkanike (në partneritet me SHUKOS) dhe Konferenca Rajonale për Menaxhimin e Shoqërive të Ujësjellës-Kanalizimeve, ku promovohet shkëmbimi i njohurive dhe inovacioni.
Gjithashtu, SHUKALB mban një komunikim aktiv dhe angazhim të vazhdueshëm në sektor përmes publikimeve sistematike, veçanërisht përmes buletinit të tij të përmuajshëm elektronik dygjuhësh “BURIMI,” ku jepet informacion mbi zhvillimet më të fundit në sektor për mijëra të interesuar brenda dhe jashtë Shqipërisë.
SHUKALB është anëtare e përkushtuar e Shoqatës Ndërkombëtare të Shoqërive të Shërbimeve të Ujit në Pellgun e Lumit Danub (IAWD) që nga viti 2017.
SHUKALB u bë pjesë e IAWD-së me qëllim që të përfitojë nga bashkëpunimi rajonal dhe të forcojë përpjekjet e saj për zhvillimin e kapaciteteve. Si anëtar, SHUKALB angazhohet në mënyrë aktive në Partneritetin e Danubit (D-LeaP), i cili ofron programe për zhvillimin e kapaciteteve në nivel rajonal dhe të përshtatura për sektorin e ujit në Shqipëri. Ky anëtarësim mundëson shkëmbime të vlefshme të njohurive dhe praktikave më të mira, mbështet zhvillimin e ndërmarrjeve të ujësjellës-kanalizimeve në Shqipëri dhe forcon rolin e SHUKALB-it në avancimin e praktikave të menaxhimit të ujit në rajonin e Danubit.
Disa nga Programet e Zhvillimit të Kapaciteteve të D-LeaP që janë ofruar përfshijnë:
Përveç kësaj, në vitin 2022, SHUKALB bashkë-organizoi Forumin e Ujit të Danubit në Tiranë me IAWD dhe Bankën Botërore.
Pse SHUKALB-i Mbështet Fushatën “Çdo pikë uji vlen”
SHUKALB-i e mbështet fuqishëm fushatën Çdo pikë uji vlen, një nismë e udhëhequr nga IAWD në kuadër të programit RCDN, e cila synon të rrisë ndërgjegjësimin e publikut mbi rëndësinë e shërbimeve të ujit dhe kanalizimeve në rajonin e Danubit.
Mbështetja e kësaj fushate është në përputhje me angazhimin afatgjatë të SHUKALB-it për edukim, ndërgjegjësim dhe forcim të kapaciteteve në këtë sektor. Përmes angazhimit të lokalizuar, përmbajtjes multimediale dhe ndërveprimit në rrjetet sociale, fushata fuqizon të rinjtë, komunitetet dhe profesionistët që të vlerësojnë dhe të veprojnë sa i përket rëndësisë së ujit. SHUKALB-i është i gatshëm të kontribuojë me përvojën dhe rrjetet e tij—veçanërisht mes të Rinjve Profesionistë të Ujit dhe ndërmarrjeve publike—për ta bërë ujin dhe kanalizimet një përgjegjësi të përbashkët komunitare në mbarë Shqipërinë dhe rajonin.
