Pa ujë, nuk ka jetë

Karriera ime ka pasur për qëllim mbrojtjen e mjedisit, shëndetit publik dhe sistemet e qëndrueshme të ujit. Në mënyrë profesionale, si Menaxher i Departamentit në Ujësjellësin për Ujë të Pijshëm pranë NPK-së Sveti Nikole, Maqedonia e Veriut, jam përgjegjës për:

• Mbikëqyrjen e sistemeve të trajtimit të ujit
• Kryerjen e testeve laboratorike biokimike
• Monitorimin e proceseve mekanike dhe teknologjike
• Sigurimin e përputhshmërisë me standardet e shëndetit dhe sigurisë publike

Përkushtimi im ndaj menaxhimit të cilësisë së ujit dhe sistemit të furnizimit me ujë më çoi drejt eksplorimit të mjeteve digjitale për një sigurim më të mirë të cilësisë. Në vitin 2022, përfundova Akademinë për Sigurimin e Cilësisë pranë Brainster, si dhe trajnime shtesë në: metodologjitë Agile; mjete si qGIS dhe sistemet për menaxhimin e aseteve, dhe bazat e të dhënave SQL.

Jam mirënjohëse për trajnimin dhe edukimin që po marr në vend dhe më gjerë përmes Shoqatës së Ofruesve të Shërbimeve Komunale në Republikën e Maqedonisë – ADKOM. Kam marrë pjesë aktive në forume dhe konferenca ndërkombëtare. Në ADKOM, jam anëtare e Komisionit për Transformimin Digjital të Shërbimeve Komunale në Maqedoninë e Veriut dhe e platformës NewIBNET të Bankës Botërore.

Forume dhe konferenca ndërkombëtare:

• Konferenca e Danubit për Ujin 2025 – "E shkuara dhe e ardhmja e sektorit të ujit" (IAWD & Banka Botërore) dhe Punëtoria mbi qëndrueshmërinë klimatike dhe menaxhimin e krizave
• Konferencat e ADKOM-it: Konferenca e 11-të Ndërkombëtare e ADKOM-it "Shërbimet Komunale në Qytetet Inteligjente" në vitin 2023 dhe Konferenca e 12-të "E Ardhmja e sektorit komunal" në vitin 2025.

 Avokova për integrimin e të rinjve, mjetet digjitale dhe reformën në sektor.

• 2024 – 20 vjet ADKOM kushtuar mbrojtjes së mjedisit "Nga entuziazmi te profesionalizmi". Si një profesioniste e re në sektorin e ujit, ne i drejtohemi vendimmarrësve që të ndryshojnë sistematizimin e vendeve të punës nëse dëshirojmë më shumë të rinj në këtë sektor. Theksuam se të rinjtë, me vetëdijen e tyre digjitale dhe përdorimin e mjeteve TIK, mund të zëvendësojnë një pjesë të madhe të aktiviteteve që aktualisht kryhen nga njerëzit.
• Konferenca e 5-të në Mal të Zi 2024: Promovimi i barazisë gjinore dhe inovacionit në sektorin e ujit. Si prezantuese e projektit "shkëmbimi mes homologëve". Promovuam profesionistët e rinj në sektorin e ujit dhe barazinë gjinore. Ideja është që të rinjtë të zgjedhin sektorin e ujit si karrierë, dhe më pas, si t’i mbajmë ata në këtë sektor.
• Forumi i Ujit në Rumani 2024: "Inovacionet në sektorin e ujit për një realitet të ri klimatik". Pamë tendencat dhe praktikat më të fundit në sektorin e ujit. Këtu shkëmbyem ide të reja dhe përfituam nga profesionistët. Unë solla ide inovative për zbatim në organizatën tonë.
• Dokumenti i Qëndrimit (2023–2024): Bashkautore në iniciativën e të rinjve nga Ballkani Perëndimor për të lidhur ndërmarrjet komunale me universitetet

Si pjesë e fushatës së RCDN-së “Mbroje ujin – Çdo pikë ka rëndësi”, misioni ynë është që uji të trajtohet si një e drejtë themelore, jo si një privilegj.

“Mbroje ujin – Çdo pikë ka rëndësi” është një fushatë për të rritur vetëdijen publike mbi rëndësinë e ujit. Ne i informojmë qytetarët se prodhimi i ujit kalon nëpër shumë kontrolle shëndetësore para se të arrijë në shtëpitë e tyre. Gjëja më e rëndësishme është që të gjithë duhet ta kuptojmë rëndësinë jetike të ujit – PA UJË, NUK KA JETË. Përballë ndryshimeve klimatike, përdorimi racional duhet të fillojë tani! Mbështes profesionistët globalë të ujit për të avokuar për barazi, qëndrueshmëri dhe rezistencë – sepse të gjithë meritojnë qasje në ujë të sigurt, sot dhe për gjeneratat që vijnë.